Hrísla

Var að klára fyrstu yfirferð á bókinni “Hver er ég?” eftir Gunnlaug Guðmundsson og samkvæmt henni er ég:

• Sól í Vatnsbera (Grunneðli, vilji og lífsorka)
• Tungl í Ljóni (Tilfinningar, heimili og vanhegðun)
• Merkúr í Fiskum (Hugsun og máltjáning)
• Venus í Vatnsbera (Ást og samskipti)
• Mars í Steingeit (Framkvæmd og sjálfsbjörg)

Ef ég tek þetta saman er ég ákveðin, listræn og tilfinningarík, kannski hægt að yfirfæra það á hvern sem er, en það var ótrúlega margt í textanum sem ég gat tengt við.

Ég fékk þessa bók í jólagjöf og það tók smá tíma að setjast niður til að lesa hana, því að þótt ég hafi nánast óþrjótandi áhuga á stjörnuspeki, stjörnufræði og öllu því sem tengist þeim málefnum, þá læt ég mér oftast nægja að tékka á merkinu mínu.  Þetta er því í fyrsta skiptið sem ég sekk mér svona djúpt í þessi málefni.